crater

14:39 May 12, 2023 

Nga sa kam parë unë sugjerimet këtu, nuk më duket se ka pretenduar ndonjëri ose ndonjëra që ta dijë me saktësi se cilët terma janë të saktë e cilët jo, prandaj është e tepërt të thuhet që nuk jemi në pozicion për të "dhënë sugjerime të sakta pa asnjë informacion".

Në fakt, edhe manualet kanë terma që i përdorin ose gabim, ose në një mënyrë shumë specifike, si lloj "gjuhe private".

Pyetësja është ajo që ka më shumë mundësi të dijë sesa të tjerët për çfarë bëhet fjalë. Në fund, është ajo që zgjedh duke përdorur gjykimin e saj të lirë. Të pretendosh ndryshe do të thotë të sillesh në mënyrë patronizuese.

Kushdo që ka përkthyer qoftë edhe 10 rreshta në jetë, e di që pa tri elementet e përmendura nuk ka si të ketë përkthim të saktë. Kjo është aq e qartë saqë nuk ka nevojë fare të përmendet.

Edhe nëse termat që sugjerohen këtu janë gabim, prapëseprapë ndihmojnë duke ditur se çfarë *nuk* duhet përdorur, prandaj, në njëfarë kuptimi, ndihmojnë për të gjetur termin e duhur.

Megjithatë, e vlerësoj merakun për të bërë punë të mirë. Rrallë ka profesionistë të tillë sot.

14:23 May 12, 2023 

Me gjithë dëshirën për të ndihmuar, a jemi të sigurt që po ndihmojmë vërtet, duke pasur parasysh që nuk kemi:

- kontekst të plotë
- përshkrim të saktë të llojit të makinerisë dhe funksionit konkret (paletizimi nenkupton një sërë funksionesh dytësore të pjesëve të makinerisë)
- skica ndihmëse që nëpër manuale zakonisht ka (ose foto për të kuptuar më mirë termin që duhet përdorur)

Së fundmi, duke përsëritur predispozicionin për të ndihmuar, mendoj se terminologjia është shumë teknike dhe specifike për të dhënë sugjerime të sakta pa asnjë informacion/shpjegim për sa më sipër.